2008-02-27

ئه‌مه‌ نوسراوی ده‌مه‌وبه‌یانی پاش رۆژی له‌ دایک بوونمه‌: م
م40 ساڵ!م
ده‌ڵێی هه‌رچی ته‌مه‌نی من درێژتر ده‌بێت له‌ ته‌مه‌نی ساڵه‌کان که‌م ده‌بێته‌وه‌! ده‌ڵێی ساڵه‌کانم ساوا ساوا له‌ پشت ‌سه‌رم جێ دێلم و چی دی سال دوازده‌ مانگ نیه‌! م
ئه‌و ساڵانه‌ی حه‌وشی ماڵی "عمه خانم"، ساله‌کانی ده‌بیرستان و "پل هوایی"، ساڵه‌کانی بۆمباران و ئاواره‌گی، ئه‌و ساڵانه‌ی بیرم له‌ لێ‌دانی دڵی مه‌مه‌د نه‌ده‌کرده‌وه‌، ساڵه‌ بێ بیره‌وه‌ریه‌کانم، ته‌مه‌ن درێژتر بوون! م
ئێستا به‌ڵام ساڵه‌کان وا زوو, به‌ ئه‌سپایی تێده‌په‌ڕن که‌ جار نا جار لێم وون ده‌بن. چی دی ده‌ڵێی لێم ڕوون نیه‌، له‌ کام ساڵ بوو به‌ نامه‌یه‌ک بۆ یه‌که‌م جار چۆکم دادا، پر به‌ بێده‌نگی خۆم قیڕاندم و پڕ بووم له‌ قین. ئه‌وساڵه‌ وا ڕه‌زا یه‌که‌م درۆی له‌گه‌ڵ کردم کام بوو، یان ئه‌و ڕۆژه‌ی دڵم بۆ ورده‌شیشه‌کانی به‌ر پێی دایکم شکا، بۆ ده‌نگه‌ دڵته‌نگه‌که‌ی بابه‌م گریام، که‌ی بوو. م
ئه‌م ساڵه‌ ته‌مه‌ن کورتانه‌ زۆر سه‌یرن! وه‌ک گڵۆڵه‌یه‌کی ئاڵۆز لێک ئاڵاوون. م

2008-02-06

قوڕووم وشكه، جار جار قۆزه‌یه‌كی وشك، جار جار خیسه خیسی هه‌ناسه. گوێیشم كپه! (ئێستا ته‌وار ده‌ڵێ كپ‌تره :-) م
ه‌وه بوو. م Cognition وه‌بیری شتێك كه‌وتومه‌ته‌وه كه په‌یوێندی به كاری مێشك و
م:Saliva" باسێك له سه‌ر ‌"تف" ، "لیك
بیر بكه‌ره‌وه كه بوونی تف چ نێعمه‌تێكه! كه زمانی پاراو له ده‌مدا ده‌گه‌ڕێ و "دیوار"ه‌كانی ده‌مت ناڕوشێنێ، كه قوڕووت ته‌ڕ و نه‌رم و خۆشه و قسه‌كردنت لێ نابێته ئه‌ركێكی گران! كه به باسی نان و چێشتی خۆش ئاو ده‌زێته ده‌مت، كه تیكه جاوین نه‌رم و ئاسانه. (تازه باسی چه‌سپاندنی ته‌مبر و شیشه پاك كردنه‌وه و شته‌یش ناكه‌م :-) تۆ بڵێی ڕۆژی چه‌ن لیتر تف قووت ده‌ده‌ین؟ تاقه‌ قه‌تره‌یه‌كیش كه‌متر بێت وه‌ك ئه‌مڕۆی من بۆڵه‌مان دێت. ده‌ی ئێسته بیر بكه‌وه كه یه‌كێك بۆ توێژینه‌وه‌ی زانستی تۆی هه‌ڵ بژاردوه‌و ده‌یه‌وێت بزانێت ڕۆژی چه‌نێك تفت هه‌یه و به بێ تف حاڵت چۆنه: كابرا لیوانێكی جوانت له به‌رده‌ست داده‌نێت و ده‌ڵێت كه هه‌ر قه‌تره‌یه‌كیش له تفه‌كه‌ت قووت مه‌ده به‌ڵكوو جار له‌گه‌ڵ جار تفه‌كه‌ت بكه ناو ئه‌و لیوانه. پاش ماوه‌یه‌ك لیوانه‌كه پڕ ده‌بێت. هه‌ناوی تۆیش وشك. كابرا ده‌ڵێت: زۆر چاكه بۆ ئه‌مڕۆ به‌سته تكایه تفه‌كه‌ت هه‌ڵقوڕێنه!!!!!!!!!! ئه‌ی هاوااااااررررررر جه‌رگ و دڵمان ژێر و ژور ده‌بێت!! مێشك شته‌یه‌کی سه‌یره نا؟ م
پاش ئه‌م گێڕانه‌وه ئیتر پێم وا نیه ئاویشم بۆ بخوریه‌ته‌وه كه وا بوو بابچم چایه‌ك درووست كه‌م تا نه‌خۆشه‌كه‌م نه‌هاته!! م
قه‌ول قه‌وله كاكه عه‌تا! م