جار جار، لێرە و لەوێ، دێڕێک، وشەیەک... شوێنەواری ڕۆژەکانی تێپەربوو. مم
مەودای نێوان من و تریبوونەکەم خاڵی نەبوو بۆیە زۆرم پێ سەیر بوو کە تاریخی ئاخر نوسراوەکەم دی! مم
مم"لە نێوان فکر و عەمەڵ مەودایەکی بچووک هەیە کە تەنبەڵی پڕی دەکاتەوە"؟
2007-04-25
دوانیوه‌ڕۆ كه ته‌وارم خوێنده‌وه دڵم له‌رزا، ترسام چاو له هیچ سایتێك بكه‌م. چاووم تون تون قونجاند و سه‌رم كرده كار! م
نامه‌كه‌ی شه‌هلام دی، بریارم دا تا پاش ڕۆیشتنی نه‌خۆشه‌كانم نه‌یخوێنمه‌وه. م
ئه‌مشه‌و به‌ڵام كه شادی لینكه‌كه‌ی نارد......... م
شه‌وه‌كه‌م پڕ بوو له نه‌ڕه نه‌ڕی ئه‌و دڕه‌ندانه و قیژه‌ی جارجاره‌ی كیژۆڵه‌یه‌كی ته‌نیا. نه گریانم گریانه نه تووڕه‌ییم تووڕه‌یییه. پڕم له تاڵ . م
باوشم پڕه له مه‌یلی ئامێزی كچه‌كانم! هه‌ر به خۆم ده‌ڵێم ئه‌و كاول بووه بۆ دایكێكی تیا نه‌بوو؟ بۆ له‌و هێرشه دڕه‌ندانه‌دا ته‌نیا ڕێزه باوشێك نه‌بوو ئه‌و منداڵه له خۆیدا هه‌شار بدات؟ شه‌رم بۆ هه‌موو ئه‌و دایكانه له‌ماڵ دانیشتن و چاییان درووست كرد بۆ ئه‌و ده‌ست و په‌نجه خوێناویانه! م
ئه‌مشه‌و به‌ڵام كه شادی لینكه‌كه‌ی نارد......... م
شه‌وه‌كه‌م پڕ بوو له نه‌ڕه نه‌ڕی ئه‌و دڕه‌ندانه و قیژه‌ی جارجاره‌ی كیژۆڵه‌یه‌كی ته‌نیا. نه گریانم گریانه نه تووڕه‌ییم تووڕه‌یییه. پڕم له تاڵ . م
باوشم پڕه له مه‌یلی ئامێزی كچه‌كانم! هه‌ر به خۆم ده‌ڵێم ئه‌و كاول بووه بۆ دایكێكی تیا نه‌بوو؟ بۆ له‌و هێرشه دڕه‌ندانه‌دا ته‌نیا ڕێزه باوشێك نه‌بوو ئه‌و منداڵه له خۆیدا هه‌شار بدات؟ شه‌رم بۆ هه‌موو ئه‌و دایكانه له‌ماڵ دانیشتن و چاییان درووست كرد بۆ ئه‌و ده‌ست و په‌نجه خوێناویانه! م
تۆ بڵێی ئه‌و دڕندانه هیچیان باب نه‌بوون؟ م
2007-03-13
دیسان ڕۆژی 8 مارس هات و كۆبوونه‌وه له سه‌ر كۆبوونه‌وه، دژی توندو تیژی له سه‌ر ژنان، بۆ یه‌كسانی مافی ژن و پیاو دووان! دیسان پیرۆزبایی هاتوو, چوو، دیسان هه‌ڵپه‌ڕكێ..... به‌شداره‌كانیش دیسان هه‌مان به‌شداران كه له كۆڕێك گوێگرن له‌وی‌تر بێژه‌ر.م هه‌مان چالاكان كه له بازنه‌یه‌كی داخراودا دووپات ده‌بنه‌وه!م
ئێستاش چه‌ن ڕۆژ پاش ڕۆژی جیهانی ژن، كه كۆڕ و كۆبوونه‌وه‌كان تا 8ی مارسی سالی داهاتوو ته‌واو بوون پێشنیارێك و ڕه‌خنه‌یه‌ك:م
پێشنیار:م
وه‌رن با 8ی مارسی ساڵی داهاتوو "تحریم" بكه‌ین! با ئێمه ژنانی ناو ئهم بازنه داخراوه به كرده‌وه دوو شت زه‌ق بكه‌ینه‌وه یه‌كه‌م ئه‌وه كه خۆ كێشه‌ی ژن ته‌نیا هی ژنان نیه، بۆ هه‌ر كه 8 ی مارس هات هه‌موو حیزب و ڕێکخراوه‌كان ده‌ر به‌ده‌ر به‌دوای ژنانی "لێ هاتوو"دا وێڵ ده‌بن با به‌شداری دیباته‌كه بن؟ م
دووهه‌م بۆ ئهم ژنه "لێهاتوو"انه‌ی ناو ئهم بازنه داخراوه‌یش هه‌ر له كێشه‌ی ژناندا لێهاتوون؟ واته مه‌رجی "لێهاتوویی" پیاوان له هه‌موو بواره‌كانی تردا ته‌نیا پیاو بوونیانه؟
پاشان ڕه‌خنه‌یه‌ك:م
به بۆ چوونی من كێشه‌ی سه‌ره‌كی ژنان ئه‌وه‌یه كه له داڕشتنی سیستم و ستروكتوری كۆمه‌ڵگا دا "ده‌ر هاوێژراون"! واته تایبه‌تمه‌ندی و پێداویستی و لێهاتووییان ڕه چاو نه‌كراوه. هه‌ر بۆیه من گومان ده‌كه‌م له هه‌موو ئه‌و ئۆرگان و ڕێكخراوانه‌ی وا لێژنه‌یه‌ك بۆ به‌رپرسایه‌تی كار و باری ژنان دیاری ده‌كه‌ن! من پێم وایه ئه‌ركی سه‌ره‌كی خه‌بات بۆ یه‌كسانی ژن و پیاو ده‌بێ ئه‌وه بێت كه "ژن" ئاوێته‌ی هه‌موو بوواره‌كانی جۆراو جۆری کۆمه‌ڵگه، سیاسه‌ت، حقوو‌ق، زانست و هتد بكاته‌وه.
بێن چی‌دی نه‌هێڵین ده‌رمان هاوێژن!! م
ئێستاش چه‌ن ڕۆژ پاش ڕۆژی جیهانی ژن، كه كۆڕ و كۆبوونه‌وه‌كان تا 8ی مارسی سالی داهاتوو ته‌واو بوون پێشنیارێك و ڕه‌خنه‌یه‌ك:م
پێشنیار:م
وه‌رن با 8ی مارسی ساڵی داهاتوو "تحریم" بكه‌ین! با ئێمه ژنانی ناو ئهم بازنه داخراوه به كرده‌وه دوو شت زه‌ق بكه‌ینه‌وه یه‌كه‌م ئه‌وه كه خۆ كێشه‌ی ژن ته‌نیا هی ژنان نیه، بۆ هه‌ر كه 8 ی مارس هات هه‌موو حیزب و ڕێکخراوه‌كان ده‌ر به‌ده‌ر به‌دوای ژنانی "لێ هاتوو"دا وێڵ ده‌بن با به‌شداری دیباته‌كه بن؟ م
دووهه‌م بۆ ئهم ژنه "لێهاتوو"انه‌ی ناو ئهم بازنه داخراوه‌یش هه‌ر له كێشه‌ی ژناندا لێهاتوون؟ واته مه‌رجی "لێهاتوویی" پیاوان له هه‌موو بواره‌كانی تردا ته‌نیا پیاو بوونیانه؟
پاشان ڕه‌خنه‌یه‌ك:م
به بۆ چوونی من كێشه‌ی سه‌ره‌كی ژنان ئه‌وه‌یه كه له داڕشتنی سیستم و ستروكتوری كۆمه‌ڵگا دا "ده‌ر هاوێژراون"! واته تایبه‌تمه‌ندی و پێداویستی و لێهاتووییان ڕه چاو نه‌كراوه. هه‌ر بۆیه من گومان ده‌كه‌م له هه‌موو ئه‌و ئۆرگان و ڕێكخراوانه‌ی وا لێژنه‌یه‌ك بۆ به‌رپرسایه‌تی كار و باری ژنان دیاری ده‌كه‌ن! من پێم وایه ئه‌ركی سه‌ره‌كی خه‌بات بۆ یه‌كسانی ژن و پیاو ده‌بێ ئه‌وه بێت كه "ژن" ئاوێته‌ی هه‌موو بوواره‌كانی جۆراو جۆری کۆمه‌ڵگه، سیاسه‌ت، حقوو‌ق، زانست و هتد بكاته‌وه.
بێن چی‌دی نه‌هێڵین ده‌رمان هاوێژن!! م
2007-01-16
ئه‌وساڵه کچی پورم بۆ یه‌که‌م جار هاته لام، ده‌سماڵێکی به په‌نجێره‌ی ئاشپه‌زخانه‌که‌دا هێنا و وتی "ئاوات لێ قه‌بووڵ ناکه‌م". پێکه‌نیم و وتم وه‌ڵڵا تازه مه‌گه‌ر ته‌ڵاقم ده‌ی ئه‌ینا قه‌ت وه‌ک جارانم نابمه‌وه!
ئه‌مڕۆ که هاتمه ئێره و ته‌پوتۆزی سه‌ر وشه له‌بیر کراوه‌کانم داته‌کان، وتم باشه جه‌میله به‌م ماڵه‌ی نه‌زانیه ئه‌ینا ئهم جاره‌یان سێ ته‌ڵاقه‌ی ده‌کردم (-:
ئه‌مڕۆ که هاتمه ئێره و ته‌پوتۆزی سه‌ر وشه له‌بیر کراوه‌کانم داته‌کان، وتم باشه جه‌میله به‌م ماڵه‌ی نه‌زانیه ئه‌ینا ئهم جاره‌یان سێ ته‌ڵاقه‌ی ده‌کردم (-:
**************************
ئه‌و ڕۆژانه‌ی که ڕۆیشتن، پڕ بوون له بیری ئه‌و گه‌ڵا زه‌رده‌ی هه‌موو ڕۆژێ دووپات ده‌بێته‌وه، ئه‌و قسانه‌ی خۆیان لێ گێل ده‌که‌م، ئه‌و نامانه‌ی جوابم نه‌دانه‌وه، ئه‌و هه‌ستانه‌ی دامنان بۆ دوایی.....
ئه‌و ڕۆژانه‌ی ڕۆیشتن، من دیسان کاتم نه‌بوو هه‌سته‌کانم ناو بنێم! وشه‌کانم وه‌ک فرمێسکه‌کانم وه‌ک پرسیاره‌کان وا دامنابوون بۆ ئێستا، له بارم چوون!
ئێستا به‌ڵام له ئه‌وه‌ڵڵۆ (-:
2006-11-05
حوكمی له سێداره‌دانی سه‌دام ئه‌مڕۆ پاش زیاتر له ساڵێك دادگایی كردن،ده‌ركرا. هه‌واڵ‌نێری هه‌موو لایه‌ک سه‌ریان به هه‌واڵه‌كه‌وه قاڵ بوو. م
چاوم له كاناڵه كوردیه‌كان ده‌كرد، به‌رنامه ڕاسته وخۆ بوو، هه‌واڵ‌نێره‌كه له سلێمانیه‌وه وتی خه‌ڵك زۆر خه‌به‌ره‌كه‌یان پێ خۆش بووه و به‌ته‌مان دوانیوه‌ڕۆی ئه‌مڕۆ و هه‌روه‌ها له ڕۆژانی داهاتوودا ئاهه‌نگ بگێڕن. م
داگیراوم! ئه‌ی خوای هه‌موو ئاهه‌نگه‌كان، ئاهه‌نگێكی خۆش بۆ خه‌ڵكی شاری هه‌ڵمه‌ت و قوربانی بڕه‌خسێنی و ئه‌ونه‌ی ڕێزێكیش حاڵی بوون به‌و مێشكه ناحاڵیه‌ی من كه‌ره‌م كه‌ی به‌شكه‌م تێ بگه‌م خۆشی ئهم خه‌به‌ره له كوێدایه. م
كه سه‌ددام گیرا، ده‌رفه‌تێكی مێژوویی هه‌ڵكه‌وت كه كێشه‌ی كورد بێت به كێشه‌یه‌كی دنیایی، ئه‌نفال و هه‌ڵه‌بجه، گۆڕه به كۆمه‌ڵه‌كان، زیندانه سامناكه‌كان، دۆخی" وایه‌و وانیه" تێپه‌ڕێنن و بۆ ویژدانی مرۆڤایه‌تی ببنه تۆمار، به‌ڵگه. وتیان نه‌خه‌یر له عێراق دادگایی ده‌كه‌ن، هه‌وڵم دا حاڵی بم، ڕقی خه‌ڵك، برینی خه‌ڵك، چاوه‌ڕوانی خه‌ڵك. باشه با وا بێت. جه‌حه‌ندم با له دیوانی لاحه نه‌بێت، هه‌راو وریای دنیایی با به قوربانی دڵی سوتاوی دایكێكی كورد بێت! م
چاوه‌ڕوانیم زۆر جار تۆزی ڕه‌ش بینی لێ نیشت، گومانم كرد: بڵێی هه‌بن ئه‌وده‌ستا‌‌نه وا نایان هه‌وێت ئهم په‌روه‌ندانه بكه‌ونه ڕوو؟ بڵێی وا بێت باسی حه‌ڵه‌بجه بڤه‌ی ئه‌وه‌ی له سه‌ر بێت كه ئه‌و زل‌هێزانه‌ی ماده‌ی كیمیائیان به سه‌دام ده‌فرۆشت بخاته به‌ر چراكه؟
بڵێی ده‌سه‌ڵاتی كوردی معامله‌ی له سه‌ر مێژووی كوردستان كردبێت؟
سه‌دام هات، سه‌دام چوو، سزای تاوانه‌كانی بوو. تاوان كام؟ كوردی چی، كه‌شكی چی، په‌شمی چی.... م
سه‌دام ئێعدام ده‌كه‌ن، ئه‌نفال و هه‌ڵه‌بجه و ژینۆساید له به‌ڵگه‌ی تاوانه‌كانیدا نین! م
ئاهه‌نگه له سلێمانی، من بۆ هه‌ڵپه‌ڕكێم نایه؟
چاوم له كاناڵه كوردیه‌كان ده‌كرد، به‌رنامه ڕاسته وخۆ بوو، هه‌واڵ‌نێره‌كه له سلێمانیه‌وه وتی خه‌ڵك زۆر خه‌به‌ره‌كه‌یان پێ خۆش بووه و به‌ته‌مان دوانیوه‌ڕۆی ئه‌مڕۆ و هه‌روه‌ها له ڕۆژانی داهاتوودا ئاهه‌نگ بگێڕن. م
داگیراوم! ئه‌ی خوای هه‌موو ئاهه‌نگه‌كان، ئاهه‌نگێكی خۆش بۆ خه‌ڵكی شاری هه‌ڵمه‌ت و قوربانی بڕه‌خسێنی و ئه‌ونه‌ی ڕێزێكیش حاڵی بوون به‌و مێشكه ناحاڵیه‌ی من كه‌ره‌م كه‌ی به‌شكه‌م تێ بگه‌م خۆشی ئهم خه‌به‌ره له كوێدایه. م
كه سه‌ددام گیرا، ده‌رفه‌تێكی مێژوویی هه‌ڵكه‌وت كه كێشه‌ی كورد بێت به كێشه‌یه‌كی دنیایی، ئه‌نفال و هه‌ڵه‌بجه، گۆڕه به كۆمه‌ڵه‌كان، زیندانه سامناكه‌كان، دۆخی" وایه‌و وانیه" تێپه‌ڕێنن و بۆ ویژدانی مرۆڤایه‌تی ببنه تۆمار، به‌ڵگه. وتیان نه‌خه‌یر له عێراق دادگایی ده‌كه‌ن، هه‌وڵم دا حاڵی بم، ڕقی خه‌ڵك، برینی خه‌ڵك، چاوه‌ڕوانی خه‌ڵك. باشه با وا بێت. جه‌حه‌ندم با له دیوانی لاحه نه‌بێت، هه‌راو وریای دنیایی با به قوربانی دڵی سوتاوی دایكێكی كورد بێت! م
چاوه‌ڕوانیم زۆر جار تۆزی ڕه‌ش بینی لێ نیشت، گومانم كرد: بڵێی هه‌بن ئه‌وده‌ستا‌‌نه وا نایان هه‌وێت ئهم په‌روه‌ندانه بكه‌ونه ڕوو؟ بڵێی وا بێت باسی حه‌ڵه‌بجه بڤه‌ی ئه‌وه‌ی له سه‌ر بێت كه ئه‌و زل‌هێزانه‌ی ماده‌ی كیمیائیان به سه‌دام ده‌فرۆشت بخاته به‌ر چراكه؟
بڵێی ده‌سه‌ڵاتی كوردی معامله‌ی له سه‌ر مێژووی كوردستان كردبێت؟
سه‌دام هات، سه‌دام چوو، سزای تاوانه‌كانی بوو. تاوان كام؟ كوردی چی، كه‌شكی چی، په‌شمی چی.... م
سه‌دام ئێعدام ده‌كه‌ن، ئه‌نفال و هه‌ڵه‌بجه و ژینۆساید له به‌ڵگه‌ی تاوانه‌كانیدا نین! م
ئاهه‌نگه له سلێمانی، من بۆ هه‌ڵپه‌ڕكێم نایه؟
2006-10-11
دانه‌یه‌کی تر له قسه خۆشه‌کانی دوکتور عه‌شایری ئه‌مه بوو: "هه‌ر که‌س مشتی هه‌ڵێنا و قیژاندی ئازادی، په‌لی بگرن ده‌ست به جێ ئازادی بده‌نی و بیکه‌ن به به‌رپرس بۆ ئازادیه‌که‌ی! جا بزانم چه‌ن که‌س په‌یدا ده‌بن که ئازادیان بوێت!" به‌ی
جار جار له خۆم ده‌پرسم بڵێی هه‌موو ئه‌وانه‌ی خه‌بات ده‌که‌ن بۆ به‌ده‌ست هێنانی ئازادی، به‌ڕاستی حاڵی بوبێتن که داوای چی ده‌که‌ن؟ به‌ڵێ ئاساییه، بۆ نموونه نابێت داوایه‌کی سه‌یر و سه‌مه‌ر بێت ئه‌گه‌ر که‌سێک بڵێت من ده‌مه‌وێ ئازاد بم که ڕا و بۆچوونی خۆم ده‌ڕبڕم! نه‌خه‌یر, هیچ شکم نیه هه‌موو ئه‌وانه‌ی داوای ئهم مافه ده‌که‌ن ده‌زانن چیان "بۆ خۆیان" ده‌وێ! من به‌ڵام شکم هه‌یه که هه‌موویان بیریان له‌وه کردبێته‌وه که "ئه‌گه‌ر ئازادیمان وه‌رگرت"، یانی هه‌موو ئه‌وکه‌سانه‌ی تریش مافی ده‌ربڕینی ڕای خۆیان ده‌بێت. به‌ی
چاو له ده‌وروو به‌ری خۆم که ده‌که‌م، هه‌ر خه‌باتکارانی ئازادی ده‌بینم که نه‌ک هه‌ر خاوه‌نی بیر و ڕای جیاواز به به‌شه‌‌ر نازانن، به‌ڵکوو نیوه‌ی خه‌باته‌که‌یان بووه به بمره و بکوژه و نه‌مێنێت! با له‌گه‌ڵ خۆمان سادق بین. ئه‌گه‌ر هه‌موو ئه‌وانه‌ی "که‌رسه‌نج"یان لێ به‌ی ده‌یته‌قێنن، به قه‌ی من مافی ده‌ربڕینی بیر و ڕایان بوایه کاممان خۆشحالتر ده‌بووین؟ به‌ی
دیاره ئازادی ده‌ربڕینی بیر و ڕا نیه که من ده‌یخه‌مه ژێر پرسیار، به‌ینێکه به‌ڵام گومان ده‌که‌م له‌وه‌ی که هه‌موو "ئازادیخوازه‌کان" تاریفی ئازادی وه‌ک یه‌ک ده‌که‌نه‌وه. به‌ینێکه ده‌ترسم هه‌رکه‌س ئازادی هه‌ر بۆ خۆی بوێت! به‌ینێکه هه‌ست به مه‌ترسی ده‌که‌م که ئه‌گه‌ر بێت و وابێت؟ که چاو له ده‌ورو به‌رم ده‌که‌م، هه‌رکام له ئازادیخوازه‌کانی ده‌ورووبه‌رم بن به ده‌سه‌ڵات، من تیا ده‌چم! به‌ی
2006-09-20
2006-09-07
م ......خوب نگاه کنید حالا . این قانون، قانون من نیست . برای احقاق حقوق من
نوشته نشده است. پس باید اعتراض خود را به هر شکل که می توانم به قانونی که من را آدم نصفه نیمه ! به حساب آورده است و گاهی اصلن آدم به حساب نیاورده است برسانم . چیز زیادی هم نمی خواهم . می خواهم در زمان عقد قرارداد ازدواج به چشم انسانی بالغ و عاقل دیده شوم نه صغیری که حتا در 40 سالگی باید مردی برایش تصمیم بگیرد... (گلناز ملك )م
2006-09-06
2006-08-31
تێر و پڕ دۆڵمه‌مان خواردبوو و لیستی غه‌یبه‌ته‌كانمان دانابوو یه‌ك یه‌ك پێیدا بچینه‌وه. ئه‌وه‌یانتان بۆ ناگێڕمه‌وه (- : م
له باسه‌کان، باسی حاڵ و ڕۆژی ژنی ته‌نیامان كرد له كۆمه‌ڵگادا. چۆن هه‌موو كه‌سێك به مافی خۆی ده‌زانێ سنوره‌كانی پێ‌شێل كات، چۆن چاوه برسیه‌كان و زمانه تیژه‌كان گه‌مارۆی ده‌ده‌ن. چۆن هه‌ر كه پای پیاوێك هاته مه‌یدان ناوه‌ڕۆكی قسه‌ی ئهم زمانانه و تماشای ئهم چاوه برسیانه ده‌گۆردرێن. وه‌ك تۆ بڵێی تا پیاوت نه‌بێت "نا"ی تۆ "نا" نیه. م
پاشان به‌ڵام، م
باسی ئه‌وه‌مان كرد كه وه‌کو ژن ئه‌گه‌ر پیاویش له ژیانتدا هه‌بوو، چۆن ئه‌و ده‌بێته پێناسهی تۆ، چۆن كه‌سایه‌تی و بیر و بۆ چوون و مێشكی تۆ ده‌بێته "زیر مجموعه"ی بوونی ئه‌و. م
به ڕاستی كامیان له كامیان خراپتره؟ م
ئه‌وه نه‌خۆشه که تا تێکه‌ڵاوی خه‌ڵک بوویت پێویست بێت بۆیانی شی که‌یته‌وه که بۆ هه‌ر پیاوێکت ته‌نیا به مه‌رجی پیاو بوون له ژیانتدا ناوێت؟ به‌ڵام ئه‌وه‌یش نه‌خۆشه که‌به‌و ڕۆژگاره به گورز و گۆپاڵه‌وه خه‌ریکی پاراستنی "بوون"ی خۆت بیت، ئاگات لێ بێت که نه‌بیته پردی نێوان خۆشه‌ویسته‌که‌ت و جه‌ماوه‌ر. م
ئه‌وه‌یش نه‌خۆشه که به‌م هه‌موو نه‌خۆشینانه‌وه پێوانه‌ی هاوتا بونمان ئه‌وه بێت که کێ کاسه و که‌وچکه‌که ده‌شۆرێت. م
2006-08-01
ئه‌مه‌یش ساڵێکی تر! م
دانێ له قسه‌خۆشه‌کانی دوکتور عه‌شایری که جار جار وه بیرم دێته‌وه ئه‌وه‌یه که ده‌یوت: سه‌ره‌ڕای ئه‌وه‌ی زانست ده‌ڵێت، له ژێر 40 ساله‌یی"ژنیتیک" تا ڕاده‌یه‌کی زۆر ڕواڵه‌تی زاهیری مرۆڤ دیاری ده‌کات. به‌ڵام له 40 به‌و لا‌وه، هه‌رکه‌س به‌رپرسی قیافه‌ی خۆیه‌تی! م
زۆری نه‌ماوه تا چل ده‌بێ هه‌وڵێک بده‌م! م
دانێ له قسه‌خۆشه‌کانی دوکتور عه‌شایری که جار جار وه بیرم دێته‌وه ئه‌وه‌یه که ده‌یوت: سه‌ره‌ڕای ئه‌وه‌ی زانست ده‌ڵێت، له ژێر 40 ساله‌یی"ژنیتیک" تا ڕاده‌یه‌کی زۆر ڕواڵه‌تی زاهیری مرۆڤ دیاری ده‌کات. به‌ڵام له 40 به‌و لا‌وه، هه‌رکه‌س به‌رپرسی قیافه‌ی خۆیه‌تی! م
زۆری نه‌ماوه تا چل ده‌بێ هه‌وڵێک بده‌م! م
2006-07-21
وتی زیندان، دڵم گیرا... وتی زۆری ئازار داون با به‌ینێک "قه‌دری عافیه‌ت" بزانێت! من زانیم قسه‌ی دڵی نه‌بوو...م وتم له‌وانه‌یه وا باشتر بێت... به‌ڵام قسه‌ی دڵم نه‌بوو! م
کارۆ ده‌ڵێ: له‌وانه‌یه ده‌ستی هه‌ڵێنابێت، له‌وانه‌یه بێ‌ڕێزی به بابی کردبێت... ده‌ڵیم له‌وانه‌یه وا بێت! دڵم به‌ڵام، هه‌ر وا ناڵێت، به گرێ کۆڵه‌ی گریانێکه‌وه خۆی خافڵاندوه و هیچی تریش ناڵێت. دڵم گڕۆی گۆرانیه‌که‌ی نه‌جمه‌ی گرتوه و ڕه‌زا، که پێم بڵێ مێهره‌بان, ئه‌مه بۆ تۆیه! ده‌ڵێم، چۆن دڵیان هات ده‌ستی لێ به‌رز بکه‌نه‌وه، بۆ ئه‌وان بیره‌وه‌ری وایان نیه؟ نا، پێم وایه، ماده سڕکه‌ره‌کان، له‌گه‌ڵ ژیانی ڕه‌زا هه‌موو بیره‌وه‌ریه‌کانی ئه‌وانیشیان دزی. م
2006-07-13
که‌نگه‌رم قه‌ت نه‌ده‌خوارد. مه‌پرسن بۆ! نازانم! له گیلاخه‌یش "قیزم" ده‌کرد! م
پێم وابوو دۆینه پیس دروست ده‌کرێت! مه‌پرسن بۆ! شه‌له‌مم به‌ڵام چاک ده‌خوارد (هه‌ر وه‌ک دۆینه دروست ده‌کرێت). ئێستایش دایکم جار جار بۆم ده‌نێرێت. جار جار داوای که‌نگه‌ر و گیلاخه‌یش ده‌که‌م هه‌ر ده‌ینێرێت! م
ئه‌من له زێدی خۆم زۆر ده‌ست و پا سپی نه بووم. به‌چکه ده‌وڵه‌مه‌ندیش نه‌بووم. به‌ڵام که شووم کرد به "شار" خۆم لێ گۆڕیا! م
خۆ له‌یلۆ ئێستاش هه‌ر هه‌ڵه‌م بۆ ڕاست ده‌کاته‌وه و به زمانه‌وانیه‌که‌م قاقا لێ ده‌دات، به‌ڵام مه‌سعوود راستی ده‌کرد من له هه‌نده‌ران "کوردام". هه‌ر له گیلاخه‌وه بگره تا میژو تا سیاسه‌ت. م
ئێستاش هه‌ر نازانم " پیچك و مه‌نێ " چیه و چۆن ده‌ڕوێ، به‌ڵام من فێر بووم که فێری بم! م فێری شتی تریش بووم! فێر بووم ڕێز دانم بۆ مروڤ، بۆ ئه‌و ویست‌و بۆچونانه‌یش وا له هی من جیاوازن! له‌به‌ینی ڕه‌ش و سپی‌دا هه‌زار ڕه‌نگی ترم دۆزیه‌وه، هه‌زار ڕه‌نگ که هێشتا ناویان به کوردی نازانم. فێر بووم به‌ڵام، که له‌به‌ر ئه‌وه "که‌متر" کورد نیم! فێر بووم هه‌رکه‌س پی وتم "ئێره کوردستانه هێواش" پی بڵێم به‌ڕێز، به‌شی من ته‌نیا نیسکێکیش له به‌شی تۆ که‌متر نیه. م
پاشان فێر بووم هه‌موو ئه‌وانه‌ی " ده‌گۆردرێن" خۆیان لێ نه‌گۆردراوه! م
2006-07-06
دڵم له‌رزا! بڵێی خوشکێک له جێگه‌یه‌کی ئهم دنیایه به سه‌ر ئهم وێنه‌دا بکه‌وێت و بڵێ ماڵ هه‌ژارم من ئه‌و کوڕه ده‌ناسم؟ م یان هه‌ناسه‌یه‌ک هه‌ڵکێشێ و بڵێ: "ئهم جاره‌یشیان،ئهم وێنه‌یشیان ئه‌وی تیا نه‌بو". تیا نه‌بو؟ م
2006-07-04
وتی: زۆر نیگه‌رانم، فه‌سلی ئاخره‌که فریا نه‌که‌وتم باش بیخوێنم 12 نمره‌ی لێ هاتبوو... م
که‌وتمه بیری یه‌که‌م ئیمته‌حانه‌که‌م له زانکۆی لینشۆپینگ که قبوڵیان نه‌کرد و مه‌جبوور بووم بینوسمه‌وه. نه‌ک له‌به‌ر ئه‌وه‌ی هه‌ڵه‌ی زۆر بوو، له‌به‌ر ئه‌وه‌ی مامۆستاکه‌م پێی وابوو من راسته‌و خۆ وه‌ک نوسه‌ری کتێبه‌که‌م نوسیه و بیر و مێشکی خۆم له نوسینه‌کانما به‌دی ناکرێت. پێی وتم مافی خۆمه وه‌ک نوسه‌ره‌که بیر بکه‌مه‌وه به‌ڵام ده‌بێ بتوانم بڵێم بۆ؟! ده‌بێ دیار بێت که من ڕوانگه‌ی دژی نوسه‌ره‌که‌یش ده‌ناسم به‌ڵام ئه‌مه‌یانم هه‌ڵ‌بژاردوه...م
که‌وتمه بیری ڕۆژه گه‌رمه‌کانی تاران و شه‌وانی ئاخری ترم که به په‌له کتێبه‌کانمان ئه‌م‌بار و ئه‌وبار ده‌کرد. هه‌موو وشه‌کانمان به په‌له "هه‌ڵ‌ده‌قوڕاند" ، پاشانیش ده‌ڕشاینه‌وه سه‌ر وه‌ره‌قه‌ی ئیمته‌حان. سه‌عاتێک پاش ئیمته‌حانه‌که، حه‌رام بێت ته‌ڕائی له مێشکماندا نه‌مابووو. م
پێم وت گوڵم چش له ئیمتیحان، خۆ تۆ به‌یانی ده‌بیت به مێعمار، ئه‌گه‌ر "ئیستائی" باش نه‌زانی خۆ قوڕ ئه‌که‌ی به‌سه‌ر ساحێب ماڵدا، گرینگ نیه؟ م
که‌وتمه بیری ڕۆژه گه‌رمه‌کانی تاران و شه‌وانی ئاخری ترم که به په‌له کتێبه‌کانمان ئه‌م‌بار و ئه‌وبار ده‌کرد. هه‌موو وشه‌کانمان به په‌له "هه‌ڵ‌ده‌قوڕاند" ، پاشانیش ده‌ڕشاینه‌وه سه‌ر وه‌ره‌قه‌ی ئیمته‌حان. سه‌عاتێک پاش ئیمته‌حانه‌که، حه‌رام بێت ته‌ڕائی له مێشکماندا نه‌مابووو. م
پێم وت گوڵم چش له ئیمتیحان، خۆ تۆ به‌یانی ده‌بیت به مێعمار، ئه‌گه‌ر "ئیستائی" باش نه‌زانی خۆ قوڕ ئه‌که‌ی به‌سه‌ر ساحێب ماڵدا، گرینگ نیه؟ م
بریا ئه‌ویش وه‌ک من دوای ئه‌و ته‌له‌فوونه تاوێک بیری له قسه‌کانمان بکردایه‌تۆ. م
2006-05-29
2006-05-23
وه‌ک زۆر جار که گه‌وره‌کان قسه ده‌که‌ن، ئهم جاره‌یشیان من و میا ئاگامان لێ نه‌بوو که منداڵ ئاگایان لێمانه. باسی سه‌مه‌د بوو و زیندانی کێشانی. پاشان که قاوه‌که پێ گه‌یشت و چووین دانیشتین، ویکتوور به نیگه‌رانیه‌وه له دایکی پرسی: دایه سه‌مه‌د بنیامێکی خراپه؟ م
میا وتی نا دایه گیان، سه‌مه‌د چی کردوه؟ بۆ پرسیاری وا ده‌که‌ی؟ م
ویکتوور وتی: ئه‌ی بۆ له زیندان بووه؟ خۆ من بیستم ئێوه باستان ده‌کرد.........م
هه‌ستێکی زۆر زۆر سه‌یر بوو. له دنیای مندا هه‌موو ئه‌وانه‌ی مێشکیان شتێکی تێدا بووه سه‌رێکیان به زیندانێکدا هه‌ر کردووه. م
ده‌تکوت یه‌که‌م جاره به‌راستی تێ‌ده‌گه‌م که له‌م وڵاته زیندان ته‌نیا جێگه‌ی تاوانبارانه.هه‌ستێکی زۆر زۆر سه‌یره...م
خۆزگه‌م به خۆت ویکتوور پێناسهی من و تۆ بۆ ناسینی بنیامه‌کان، چه‌ن له یه‌ک جیان. م
میا وتی نا دایه گیان، سه‌مه‌د چی کردوه؟ بۆ پرسیاری وا ده‌که‌ی؟ م
ویکتوور وتی: ئه‌ی بۆ له زیندان بووه؟ خۆ من بیستم ئێوه باستان ده‌کرد.........م
هه‌ستێکی زۆر زۆر سه‌یر بوو. له دنیای مندا هه‌موو ئه‌وانه‌ی مێشکیان شتێکی تێدا بووه سه‌رێکیان به زیندانێکدا هه‌ر کردووه. م
ده‌تکوت یه‌که‌م جاره به‌راستی تێ‌ده‌گه‌م که له‌م وڵاته زیندان ته‌نیا جێگه‌ی تاوانبارانه.هه‌ستێکی زۆر زۆر سه‌یره...م
خۆزگه‌م به خۆت ویکتوور پێناسهی من و تۆ بۆ ناسینی بنیامه‌کان، چه‌ن له یه‌ک جیان. م
2006-05-17
دوێشه‌و گۆشه‌یه‌کی وت‌و وێژێکی ته‌له‌ویزیونیم له کانالی کوردیه‌وه بینی که‌دیسان باسی به‌شداری ژنانی ده‌کرد له کابینه‌ی تازه‌دا. له جوابی بینه‌رێک که له کوردستانه‌وه ته‌‌له‌‌فونی کردبوو، میوانی به‌رنامه وتی: ئهم خه‌ڵکه خراپ حاڵی بوون، باشه خۆ ئه‌گه‌ر هه‌ر 3-4 ژن له کابینه‌دا بن به‌و مانا نیه که ئیتر ئهم کۆمه‌ڵگا جێگه‌ی ژنانی تیا نابێته‌وه.هه‌ر وه‌ها وتی: خۆ من خۆم زۆر پشت گری ژنان ده‌که‌م و پێم خۆشه یارمه‌تیان بده‌م به‌ڵام هه‌ر ئه‌و 4 که‌سه‌یش ئێمه دامان ناون ئه‌گه‌ر بۆ خۆیان دانیشن تا ده ساڵی تریش که‌سی تریان بۆ په‌یدا نابێت. مئه‌مه ناوه‌ڕۆکی قسه‌کانه و) ده‌قی وشه‌کان له‌وانه‌یه ئه‌وه نه‌بێت)م م
به‌و سه‌رئێشه‌ی دوێشه‌ومه‌وه و به ماندویه‌تی کار و شلوقی "قوڕوکاری"ه‌وه، هه‌ر له چنگی ئه‌و وتانه ڕزگار نه‌ده‌بووم. هه‌ر هێنام و بردم و بیرم لێ کرده‌وه ده‌مزانی من له ئه‌و حاڵی ده‌بم به‌ڵام ئیرادێکی گه‌وره‌م له جوابه‌که‌‌ی به‌دی ده‌کرد که په‌یدام نه‌ده‌کرد!!! م
دره‌نگتر، ئه‌وده‌م که هه‌موو ئه‌وانه‌ی وا سه‌ریان دێشێت ده‌بێت خه‌وتبێتن، چاوم له دیباتێکی ته‌له‌ویزیونی سوید کرد سه‌باره‌ت به ژیان یان نه‌مانی فیمینیزم. به‌ڕێوه‌به‌ری به‌رنامه ڕای به‌شدارێکی پانێله‌که‌ی پرسی سه‌باره‌ت به دیاری کردنی ڕێژه‌ی تایبه‌تی بۆ ژنان له ده‌سگاکاندا. ئه‌و خانمه جوابی داوه: له ده‌سگاکانی وا په‌یوه‌ندی ڕاسته‌وخۆی به دیموکراسیه‌وه هه‌یه، زۆر ئاسائیه که ده‌بێت ئه‌وه بکرێت، واته ده‌بێ ژنان وه‌ک پیاوان به‌شدار بکرێن. به‌ڵام له ده‌سگاکانی دیکه پێویسته له جیاتی ئهم شێوازه، هه‌وڵ بدرێت به کاری درێژ خایه‌ن کردن هه‌ل و مه‌رجه‌کان بۆ پێش که‌وتنی ژنان و پیاوان یه‌کسان بکرێت. ...... م
دیاره چاوه‌ڕوانی ئه‌وه نیم پێ گه‌یشتنی ئه‌و کابرا(پێم وابێ جێگری سه‌رۆک وه‌زیرانی کوردستانه) له ڕاده‌ی ئه‌میان بێت. به‌ڵام جیاوازیه‌که چه‌ن به جوانی ده‌رده‌که‌وێت. ئه‌میان ده‌ڵێت ژن به‌شێکی کۆمه‌ڵگه‌یه وده‌بێ هه‌ر به‌و پێیه جێگه‌ی له ده‌سه‌ڵات‌دا هه‌بێت، ئه‌ویان ده‌ڵێت ده‌ی خۆ ژن له ده‌سه‌ڵاتا نه‌بوو به‌و مانا نیه له کۆمه‌ڵگه‌یشا نیه. جوانه نا؟
سه‌باره‌ت به‌وه‌ی که ئایا ژنی لێ هاتوو بۆ په‌یدا نابێت، جارێکی تر ده‌نوسم، ئیسه با بچم دوکان داخه‌م بچمه‌وه لای مناڵه‌کانم. مم
2006-04-26
دوور دوور، له زێده‌که‌ی من، ژنێک هه‌یه، که که‌س خۆشی ناوێت. مێرده‌که‌ی موعتاده و به هۆی چه‌قۆکێشانه‌وه له زیندانایه. ماوه‌یه‌ک له‌مه‌وبه‌ر جارێکی تریش داوانامه‌ی ته‌ڵاقی ژنه له لایان دادگاوه ره‌د کرایه‌وه. مم
قازی خۆشی ناوێت، ده‌م هه‌راشه، مێرده‌که‌ی ناوێت، مێرده‌که‌ی ئاوا ناوێت. هاوسێ و دراوسێ خۆشیان ناوێت، سووکه، به عاله‌م ئاشکرا حه‌زلێ که‌ری ده‌کات. مم
دوو مناڵی چکۆله هه‌ن به‌ڵام، که هیچ مه‌رجێکیان بۆ خۆش ویستنی ئه‌و ژنه نیه. به خراپ و خاس، پیس و پاک، به ته‌ڵاق و بێ ته‌ڵاق خۆشیان ده‌وێت. هه‌ر ئه‌ویان هه‌یه و هه‌ر ئه‌ویان ده‌وێت. شار به‌ڵام ئه‌و دوو مناڵه‌یشی خۆش ناوێت، ئه‌وه حاڵی دایکیانه و ئه‌وه‌یش وه‌زعی باوکیان، به‌ر و پشت ئه‌تڵه‌س...مم
ئه‌وژنه به‌ڵام ئه‌گه‌ر له زیندانیشدا "ته‌مکین"ی مێرده‌که‌ی نه‌کات، دوو منداڵه‌که‌ی لێ ده‌سێننه‌وه. نه‌ک له‌به‌ر ئه‌وه‌ی خه‌می منداڵه‌کانیان بێت، نه‌ک له‌به‌ر ئه‌وه‌ی کابراکه‌یان له ژنه‌که پێ سه‌ڵاحتر بێت یان زیاتریان خۆش بوێت، هه‌ر له‌به‌ر ئه‌و هۆیه ئاساییه که پیاو پیاوه. مم
هه‌ر له‌و شاره، پیاوێکیش ئه‌و ژنه‌ی خۆش ده‌وی، یان خۆی خۆش ده‌وی، نازانم، ئه‌و ژنه‌ی"ده‌وێت". دڵی دایکێکیش شه‌و و ڕۆژ له مه‌ترسی ئه‌وه‌دایه که ئهم ژنه ق... یه, بۆ ئاخری بێت به باعیسی سه‌ری کوره‌که‌ی. م
م
مه‌مله‌که‌تێکی سه‌یره.... ئه‌گه‌ر پێکه‌وه ژیان به زه‌بری یاسا نه‌بوایه، ئه‌گه‌ر بۆ سه‌رپه‌ره‌ستی منداڵ چاویان له ناوگه‌ڵی خه‌ڵک نه‌کردبایه، ئه‌گه‌ر سه‌ری که‌س له به‌ر خۆش ویستنی که‌س له مه‌ترسی دا نه‌بوایه......... ژیانی زۆر که‌سی زێده‌که‌ی من زۆر ئاسان تر ده‌بووه‌وه. مم
Subscribe to:
Posts (Atom)